آیه :
1
وَٱلسَّمَآءِ وَٱلطَّارِقِ
ئاسمان بىلەن، تارىق (يەنى كېچىدە ئاشكارا بولغۇچى يۇلتۇز) بىلەن قەسەم قىلىمەن[1].
آیه :
2
وَمَآ أَدۡرَىٰكَ مَا ٱلطَّارِقُ
تارىقنىڭ نېمىلىكىنى بىلەمسەن؟[2]
آیه :
3
ٱلنَّجۡمُ ٱلثَّاقِبُ
ئۇ يورۇق يۇلتۇزدۇر[3].
آیه :
4
إِن كُلُّ نَفۡسٖ لَّمَّا عَلَيۡهَا حَافِظٞ
ھەر بىر ئادەم بىلەن (شۇ ئادەمنى) ساقلىغۇچى (پەرىشتە) بار[4].
آیه :
5
فَلۡيَنظُرِ ٱلۡإِنسَٰنُ مِمَّ خُلِقَ
ئىنسان نېمىدىن يارىتىلغانلىقىغا قارىسۇن[5].
آیه :
6
خُلِقَ مِن مَّآءٖ دَافِقٖ
ئۇ ئېتىلىپ چىققۇچى مەنىدىن يارىتىلدى[6].
آیه :
7
يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ
ئۇ مەنى ئۇمۇرتقا بىلەن قوۋۇرغا سۆڭىكىنىڭ ئارىسىدىن چىقىدۇ[7].
آیه :
8
إِنَّهُۥ عَلَىٰ رَجۡعِهِۦ لَقَادِرٞ
شەك ـ شۈبھىسىزكى، ئاللاھ ئۇنى ئەسلىگە كەلتۈرۈشكە (يەنى تىرىلدۈرۈشكە) قادىردۇر[8].
آیه :
9
يَوۡمَ تُبۡلَى ٱلسَّرَآئِرُ
سىرلار ئاشكارا قىلىنىدىغان كۈندە (يەنى قىيامەتتە)[9]،
آیه :
10
فَمَا لَهُۥ مِن قُوَّةٖ وَلَا نَاصِرٖ
ئۇنىڭدىن (يەنى ئىنساندىن) (ئازابنى دەپئى قىلىدىغان) ھېچ كۈچ ۋە ياردەمچى يوقتۇر[10].
آیه :
11
وَٱلسَّمَآءِ ذَاتِ ٱلرَّجۡعِ
يامغۇرلۇق بۇلۇت بىلەن قەسەمكى[11]،
آیه :
12
وَٱلۡأَرۡضِ ذَاتِ ٱلصَّدۡعِ
يېرىلىپ (گىياھلارنى ئۈندۈرۈپ بېرىدىغان) زېمىن بىلەن قەسەمكى[12]،
آیه :
13
إِنَّهُۥ لَقَوۡلٞ فَصۡلٞ
قۇرئان شەك ـ شۈبھىسىز (ھەق بىلەن باتىلنى ئايرىغۇچى) سۆزدۇر[13]،
آیه :
14
وَمَا هُوَ بِٱلۡهَزۡلِ
ئۇ چاقچاق ئەمەستۇر[14].
آیه :
15
إِنَّهُمۡ يَكِيدُونَ كَيۡدٗا
ئۇلار (يەنى مۇشرىكلار) (قۇرئاننى يوققا چىقىرىش ئۈچۈن) ھەقىقەتەن ھىيلە ـ مىكىر ئىشلىتىدۇ[15].
آیه :
16
وَأَكِيدُ كَيۡدٗا
مەن ئۇلارنىڭ ھىيلە ـ مىكرىگە تاقابىل تۇرىمەن[16].
آیه :
17
فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا
(ئى مۇھەممەد!) كاپىرلارنىڭ ھالاك بولۇشىغا ئالدىرىمىغىن، ئۇلارغا ئازراق مۆھلەت بەرگىن (ئۇزاققا قالماي ئۇلارغا قانداق قىلغانلىقىمنى كۆرىسەن)[17].
